Tinuod Nga Gugma

"Tinuod Nga Gugma"

— Bebsy

Kung balikan nako ang mga kaagi sauna Di na nako maihap kung pila na ka-luha ang nitulo sakong mga mata Kung ikapila na nasamad ang akong dughan sa dihang sila nibiya Kung ikapila na ko nailad sa istoryang "Gihigugma tika."

Sakit man hunahunaon pero tinuod Mas maayo pang mag-inusara kaysa magpailad ug maggukod Mas pilion pa nako ang mag-inusa ra kaysa magpalunod Sa bakak, sakit, luha, kalisod

Oo, lisod, lisod nang musalig karon Sa kalibutan nga puno'g paasa ug bakakon Lisod nang tuohan ang mga saad nga inig abot sa panahon Ikaw ra ang mag-antos, maggukod, muasa ug malimbong

Karon mangutana ko, asa ang tinuod nga gugma? Kang kinsa ang masaligan nga saad nga di ko mag-inusara? Hantud kanus-a ko magpaabot, asa ko mangita? Asa ko muduol? Kay kapoy na.

Hantud sa naay niduol sa akoa Sabay niistorya, "Gihigugma tika, Naa ra ko sa imong tapad pero wala Ko nimo nakita Kay naa ra kanunay sa lain ang imong mga mata

Sukad pa sauna kauban Ko nimo Wala Ko nibiya bisag ikapila na nimong gipasakitan ang dughan Nako Tungod sa dili nimo pagtagad ug sa imong pagbalewala Pero bisag sakit na, ang gugma Nako sa imo dili magbag-o

Andam Ko nga mupunas sa imuhang mga luha Andam Kong mupas-an sa imuhang mga problema Andam Kong masakitan para lang sa imuha Basta timan-i nga naa ra Ko diri ug dili Ko mubiya."

Ug milabay ang mga adlaw ug gabii nga naa nay kalipay sakoang dughan Tinuod nga kalipay, tinuod nga gugma nga sa Iya ra nako nabatian Pagmata man sa buntag o pagtulog sa gabii, pangalang Hesus di na nako malimtan

Siya ra ang ningtupad sa saad nga, "Di tika biyaan."

Siya ra ang ningtupad sa saad nga, "Di tika biyaan."